Евроеидгыла адипломатиатә тәылауаҩшәҟәқәа змоу ахаҿқәа рзы авизадатә неиааира аанкылара иазку аӡбамҭа анагӡара агәы иҭам, – иҳәеит Венгриа Адәныҟатәи аусқәа рминистр Питер Сииарто.

Ари аинформациа аланарҵәеит Infostart.

“Евроеидгыла адипломатиатә тәылауаҩшәҟәқәа змоу ахаҿқәа рзы авизадатә неиааира аанкылара иазку аӡбамҭа анагӡара агәы иҭам, Қырҭтәыла аԥеиԥш Қырҭтәылаҿ ирыӡбароуп, ақырҭуаа еӡбамҭа еилыкка ирыдыркылеит, аха ари Бриуссель аҿы иргәамԥхеит”, – иҳәеит Сииарто.

Евроеидгыла ахеилак ақырҭуа дипломатцәеи зранг ҳараку амаҵзуҩцәеи рзы авизадатә режим аанкылара иазку аӡбара ажьырныҳәа 27 рзы рыдыркылеит. Аларҵәара зауз адыррақәа рыла, ари аӡбамҭа иаҿагылеит Венгриеи Словакиеи.

адәныҟатәи аусқәеи аполитикеи рзы Евроеидгыла иреиҳаӡоу ахаҭарнак Каиа Каллас лажәақәа рыла, “Евреоидгыла иалоу атәылақәа рҿы арҭ аԥкрақәа аладырҵәароуп”.

Евроеидгыла аланарҵәаз аыдыррақәа рыла, ари аӡбара рыдыркылеит  Қырҭтәыла ҵыҧх иаднакылаз  «Атәым анырра аартызаара иазку» азакәани    «Аҭаацәаратә принципқәеи зықәра наӡам рыхьчареи иазку» азакәанҧҵаратә пакети иаҭакны.