OSCE/ODIHR Қырҭтәыла иҟоу аҭагылазаашьа иазкны аҳәамҭа аланарҵәеит.

Аҳәамҭаҿ ишану ала, аиҿкаара агәынамӡара аанарԥшуеит атәылауаҩратә уаажәларра аусзура иаԥырхаго азакәанԥҵареи аҭынч демонстрантцәа раанкылареи иазкны.

Аҳәамҭаҿ ишану ала, аҵыхәтәантәи амчыбжьқәа рзы ибааандаҩыртәит ааҩык аоппозициатә политикцәа, аҵыхәтәантәи амзқәарзы иаанкылан жәаҩыла адемонстрантцәа.

“Агәынамӡара ду ала ҳрыцклаԥшуеит Қырҭтәыла аҭыԥ змоу ахҭысқәа – аоппозициатә политикцәа раанкылареи рбаандаҩтәреи. Анапхгара рахь ааԥхьара ҟаҳҵоит атәылауаҩратә уажәларра илегитиму русзура иаԥырхаго аҵыхәтәантәи аамҭазы ирыдыркылаз азакәанԥҵара аԥырхырц. Атәылауаҩратәи аполитикатәи зинқәа адемократиеи азакәан аиҳаӡареи рышьаҭоуп”, – иануп OSCE/ODIHR адиректор Мариа Телалиан иҟалҵаз аҳәамҭаҿы.

Аҳәамҭаҿ ишазгәҭоу ала, OSCE/ODIHR ҵыԥх аиуристтә ахәшьара аҭара аҳәаақәа ирҭагӡаны “Атәым агентцәа ирызку” азакәан аԥыхра иадҳәаланы Қырҭтәыла абжьагара анаҭеит.

OSCE/ODIHR аҳәамҭаҿ ишану ала, “Қырҭтәыла анапхгара ҭагалан азы имҩаԥысран иҟоу аҭыԥантәи халанапхгараҭарахь алхрақәа рахь аофис ааԥхьара ргәы иҭам“.

Аха ари иахәамԥшыкәа, “ауааԥсыра рыбжьара Қырҭтәыла адемократиатә институтқәа рыгәрагара аизырҳаразы анапхгара ааԥхьара ианаамҭоу ҳзаарышьҭыр” OSCE/ODIHR анаԥшратә миссиа ашьҭразы ихиоуп.