OSCE апарламенттә ассамблеиа апленартә еилатәараҿ Порто адеклларациа аднакылеит.  OSCE апарламенттә ассамблеиа асаит ианылаз адекларациа иаҵанакуеит Қырҭтәыла иазку арезолиуциа.

Арезолиуциаҿ ишану ала, “OSCE апарламенттә ассамблеиа 2024 шықәса жьҭаара 26 рзы Қырҭтәыла имҩаԥгаз апарламенттә алхрақәа ирызкны агәынамӡара аанарԥшуеит, арҭ алхрақәа раан OSCE Ауаҩытәыҩса изинқәеи адемократиатә институтқәеи рзы абиуро аилагарақәа рацәаны аанарԥшит”.

Арезолиуциа инақәыршәаны, “Ассамблеиа агәыламӡара аанарԥшуеит алратә процедурақәа реилагареи администраивтә ресурс ахархәара амасштабқәеи ирыхҟьаны. Ари Қырҭтәыла алхратә процесс ахақәиҭратә принципқәеи еиланагоит, алхрақәа рылҵшәақәа азҵаара аҵаҟа ҭаднаргылоит”.

“Арезолиуциаҿ аҭынч демонстрантцәа рганахьала амч ахарқәара иақәыӡбоит”.

Ассамблеиа агәҭынчымра аанарԥшуеит ажурналистцәеи, активистцәеи, аоппозициатә политикцәеи рҭакрақәеи ркыдцалареи иазкны.

Арезолиуциаҿ иазгәаҭоуп Қырҭтәыла аҭагылазаашьа иаҳа-иаҳа шеицәахо, аиҳабыра европатәи аинтеграциа амҩа иаҳа-иаҳа ишацәыхарахо.

Ассамблеиа агәҭынчымра аанарԥшуеит Евроеидгыла иаҿагыланы изҳауа ариторикеи, Урыстәылатәи Афедерациеи Китаи  рыбжьара аимадара арӷәӷәареи ирызкны, уи адкылашьа амам ҳәа аԥхьаӡоит.