Қырҭтәыла анапхгара аоппозициатә 3 партиак  рқәиҭымтәра иазкны Аконституциатә аӡбара азыҳәара аналарҵа  ашьҭахь, ОБСЕ Апарламенттә Ассамблеиа ахаҭарнак  Луис Грача  ишиҳәаз ала, ари афакт Қырҭтәыла аполитикатә плиурализми адемократиатә ҧсҭазаареи цәгьала ирныҧшыр ауеит. Ари аҳәамҭа қьыҧхьуп ОБСЕ Апарламенттә Ассамблеиа асаит аҿы.

«Ари аусеилыргара Қырҭтәыла адемократиатә аҿиара иаҧырхагахар ауеит, сара уи даараӡа саргәамҵуеит. Ҳәарада,  азакәани Аконституциеи еилазго дарбанзаалак аҭакҧхықәра идҵатәуп, аха, уи ииашаны иҟаҵатәуп.  Аоппозициатә партиақәа рацәа рқәиҭымтәра аперспектива даараӡа ҳаргәамҵуеит.

Аполитикатә усзуҩцәа ари апроцесс аҟынтә рҟәыҭхара амшала, ауаажәларраҿы аполиаризациа иацлар ауеит, ауаа адемократиатә институтқәа рахь агәрагара рцәыӡыр ауеит. Ари азҵаара иазҿлымҳау аганқәа абри аҩыза ашьаҿақәа ирхылҵуа алҵшәақәа цқьа ирызхәыцны, амилаҭтә диалоги адемократиатә ҭышәынтәалареи зырҕәҕәаша мҩак рыҧшаап ҳәа сгәыҕуеит», — иҳәеит  Луис Грача.