Лаҵара 22-26 рзы ЕАШ, Огаио аштат аҿы Нато апарламенттә ассамблеиа 2025 шықәсатәи ааԥынтәи асессиа мҩаԥысуеит. Нато апарламенттә ассамблеиа ааԥынтәи асессиа аҳәаақәа ирҭагӡаны, ЕАШ иҟоу Қырҭтәыла апарламенттә делегациеи Ҭырқәтәыла апарламеннтә делегациеи аофициалтә еиԥылара мҩаԥыргеит. Ҭырқәтәыла аделегациа дахагылоуп Ҭырқәтәыла Адәныҟатәи Аусқәа рминистр Мевлуд Чавушоӷлу.

Қырҭтәыла апарламент аланарҵәаз аинформациа инақәыршәаны, аиԥылараҿ аганқәа Амшын Еиқәа арегион аҿы ашәарҭадара аганахьала иҟоу ауадаҩрақәа ирыхәаԥшит. Ҷыдала иазааҭгылеит Қырҭтәылеи Ҭырқәтәылеи ирыбжьоу астратегиатә партниорра азҵаара.

“Аиԥылараҿ иаҵшьны иазгәаҭан агеополитикатә фон аҿы ҩганкалатәи ганрацәалатәи апарламенттә форматқәа рҿы апартниорра анагӡара аҵакы.

Қырҭтәыла апарламенттә делегациа анапхгаҩы Гиви Миқанаӡе иҟаиҵаз аҳәамҭала, ҩганкалатәи аусеицура арегион аҭышәынтәыаларазы акритикатә ҵакы амоуп.

Мевлуд Чавушоӷлу даҽазнык шьақәирӷәӷәеит Ҭырқәтәыла Қырҭтәыла атерриториатә акзаареи асуверенитети шрыдгыло”, – иануп аинформациа аҿы.