Михаилом Саакашвили иусӡбаратә процесс еиҭах иахырҧоуп
Михаилом Саакашвили иусӡбаратә процесс еиҭах иахырҧоуп

Абиуџьеттә аҧара аҕьычра аус азы Қарҭ ақалақьтә аӡбараҿы имҩаҧысраны иҟаз Михаилом Саакашвили иусӡбаратә процесс еиҭах иахырҧоуп.

Апроцесс аҿы Апенитенциартә усбарҭа ашәҟәы иаҧхьеит, уаҟа ишаныз ала, аклиника  «Вивамеди» аҿы аҽыхәышәтәра амшала, атәыла ҧасатәи ахада аусӡбаратә процессқәа рахь дызнеиуам.

Убри аҟынтә, аӡбаҩ  Бадри Коҷламазашвили нанҳәа 1-нӡа апроцесс ахирҧеит.

Зыӡбахәы ҳәоу аепизод иадҳәаланы,  Михаил Саакашвили инаиваргыланы, ахара идуп Аҳәынҭқарратә ахьчара амаҵзура ҷыда ҧасатәи анапхгаҩы Ҭемур Џьанашьиагьы, иара аҳәынҭқарратә биуџьет аҟынтә 9 миллион  лари аҕьычра ихарарҵоит.

 

Акомментари аҟаҵара