Қырҭтәыла ахада Михаил Ҟавелашвили ЕАР Ассамблеиа Хада 80-тәи асессиа адебатқәа аартраҿ дыҟан.

Ахадаратә дебатқәа иалагеит ЕАР амаӡаныҟәгаҩ хадеи Ассамблеиа Хада ахадеи рықәгыларала. Ахадаратә дебатқәа раартратә сессиа алахәылацәа рҿаҧхьа иқәгылеит Бразилиа ахада Луис Инасио Лула да Силвеи, Америка ахада Дональд Трампи, Индонезиа ахада, Прабово Субиантои Ҭырқәтәылатәи ареспублика ахада Реџьеп Таип Ердоҕани, егьырҭ аҳәынҭқаррақәа рлидерцәеи.

Ассамблеиа Хада 79-тәи асессиа ахадаратә дебатқәа ртемоуп – „Еицны еиӷьуп: 80 шықәса рышьҭахь аҭынчреи, аҿиареи, ауаҩы изинқәеи рзы”.

ЕАР ашьаҭаркра 80 шықәса аҵра иазку аусмҩаҧгатә рхы аладырхәит Қырҭтәыла ахадеи,  адәныҟатәи аусқәа рминистр Мака Боҷоришвилии,  ЕАР аҿы Қырҭтәыла еснагьтәи ахаҭарнак Давиҭ Бақраӡеи, Америка иҟоу Қырҭтәыла ацҳаражәҳәаҩ Ҭамар Талиашвилии, атәыла ахада иадминистрациа анапхгаҩы Қеҭеван Квиникаӡеи.

Михаил Ҟавелашвили ЕАР Ассамблеиа Хада 80-тәи асессиаҿы дықәгылоит. Иара убас, Америка ахада Дональд Трамп иааҧхьарала, Қырҭтәыла ахада , ЕАР Ассамблеиа Хада  80-тәи асессиа иалахәу аделегациақәа рнапхгаҩцәа раҳаҭыр аҟынтә Америка ахада Дональд Трампи иҧҳәыс Мелани Трампи рыхьӡала имҩаҧгахо аофициалтә адкылара ихы алаирхәоит.

Михаил Ҟавелашвили ҩ-ганктәи аиҧыларақәа мҩаҧигоит, апланқәа ирылоуп ЕАР амаӡаныҟәгаҩ хада Антониу Гутерриш иҟны аиԥылара.