MEGOBARI Act 13 шықәса ирылагӡаны “Аурыс гәахәтәы” иҟанаҵаз аполитикатә ацәгьоурақәа рзы ақырҭуа жәлар рҭакуп, – иҩит асоциалтә ҳаҿы апартиа “Лело” алидер Мамука Хазараӡе.

Хазараӡе иажәақәа рыла, “Ақырҭуа гәахәтәы” “ақырҭуа каамеҭхеит”.

“MEGOBARI Act 13 шықәса ирылагӡаны “Аурыс гәахәтәы” иҟанаҵаз аполитикатә ацәгьоурақәа рзы ақырҭуа жәлар рҭакуп. “Ақырҭуа гәахәтәы” “ақырҭуа каамеҭхеит” – аӡбарҭатә напхгара еиланагеит, аҳәынҭқарратә институтқәа аԥнахит, ажәлар ирҿагылеит, Аконституциа еиланагеит, европатәи акурс мап ацәнакит.

Анаклиатәи абаӷаза иҳанаҭоз аҭышәынтәалара, ашәарҭадара агарантиақәа ҳамырхит.

Иахьа арҭ ацәгьоурақәа рзы аҭак роуеит – MEGOBARI Act ари шьақәнарӷәӷәоит”, – иҩит Хазараӡе.

ЕАШ аконгресс ахаҭарнакцәа рпалатаҿ  MEGOBARI Act шьақәдырӷәӷәеит. Азакәанпроект иадгылеит 349-ҩык аконгрессменцәа, урҭ рҟынтә 168-ҩык Ареспубликатә партиа хаҭарнакцәа роуп, 181-ҩык – Адемократиатә партиа, иаҿаглеит 42-ҩык аконгрессменцәа, 42-ҩык абжьыҭираан рхы ныркылеит.