Феридун Синирлоӷлу дахьаҳҭааз иҭабуп ҳәа иасҳәар сҭахуп. Сынтәа изныкымкәа ҳаиԥылахьеит, ари даҽазнык шьақәнарӷәӷәоит OSCE Қырҭтәылазы аҵак ҷыда шамоу. Ари шьақәнарӷәӷәоит амаӡаныҟәгаҩ хада аусеицура дшазыхиоу, ари азы даҽазнык иҭабуп ҳәа иасҳәоит, – илҳәеит   Қырҭтәыла Адәныҟатәи аусқәа рминистр Мака Боҷоришвили OSCE амаӡаныҟәгаҩ хада Феридун Синирлоӷлу иҟны аиԥылара ашьҭахь имҩаԥгаз апрессконференциа аҿы.

 Қырҭтәыла Адәныҟатәи аусқәа рминистр лажәақәа рыла, OSCE амаӡаныҟәгаҩ хада ивизит ахадара ду злоу шьаҿоуп.

Аминистр ишазгәалҭаз ала, аиԥылараҿ ирыхәаԥшит Қырҭтәыла аҿаԥхьа иҟоу ааԥхьарақәа, арегион аҟны иҟоу аҭагылазаашьа.

«Қырҭтәыла ҩрегионк – Аԥсни Цхинвалтәи арегиони, Урыстәыла ампыҵахалара аҵаҟа иҟоуп, Урыстәыла Қырҭтәыла атерриториатә акзаара аилагара нанагӡоит. Ампыҵахаларатә цәаҳәаҿ иҟоу аҭагылазаашьа шәхала ижәбар шәылшоит», – илҳәеит Боҷоришвили.

Аминистр лажәақәа рыла, OSCE аҳәаақәа ирҭагӡаны ақырҭуа зҵаара ахцәажәара нагӡахароуп, аимак аҭынч мҩала аҭыԥқәҵаразы аганқәа ирылшо зегь ҟарҵароуп.