Қырҭтәыла Адәныҟатәи аусқәа рминистр Мака Боҷоришвили OSCE амаӡаныҟәгаҩ хада Феридун Синирлоӷлу диԥылеит.

Қырҭтәыла Адәныҟатәи аусқәа рминистрра аинформациа ала, аиԥылараҿ ахшыҩзышьҭра азуун Қырҭтәыла импыҵахалоу аҵакырадгьылқәа рҿы иҟоу аҭагылазаашьа.

“Амаӡаныҟәгаҩ хада импыҵахалоу аҵакырадгьыл аҿы иҟоу аҭагылазаашьеи аҵыхәтәантәи аамҭазы аҭыԥ змаз ахҭысқәеи ирызку адыррақәа аинтерес ду ала дырзыӡырҩит. Адәныҟатәи аусҳәарҭа анапхгаҩы иаҵшьны иазгәалҭеит Женеватәи жәларбжьаратәи аиҿцәажәрақәа рформати OSCE аҽалархәреи, жәларбжьаратәи анормақәа рышьаҭала аимак аҭынч мҩала аҭыԥқәҵареи аҵак ду шрымоу.

Аиԥылараҿ ҷыдала ирзааҭгылеит арегион аҟны иҟоу аҭагылазаашьеи, ашәарҭадара аганахьала ишьақәгылаз ауадаҩрақәеи, урҭ рҭыԥқәҵара амҩақәеи.

Аганқәа еиуеиԥшым ахырхарҭақәа рыла  Қырҭтәылеи OSCE-и русеицура иазааҭгылеит.

Қырҭтәыла Адәныҟатәи аусқәа рминистр OSCE амаӡаныҟәгаҩ хада Қырҭтәылашҟа дааиԥхьеит“, –иануп аинформациа аҿы.