Европатәи аполитикатә аидҵара (EPC) асаммит аҳәаақәа ирҭагӡаны, Қырҭтәыла аҧыза-министри европатәи атәылақәагьы рлидерцәеи аишәа гежь аформатаҿ атематикатә дискуссиа „Аекономикатә шәарҭадара  – европатәи ахьыҧшызаара армаҷра“ рхы аладырхәоит, – иҳәеит Қырҭтәыла аиҳабыра радминистрациа аиҳабы Леван Жоржолиани ажурналистцәа данрацәажәоз.

Қырҭтәыла аҧыза-министр дызхагылоу аделегациа Даниа аҳҭнықалақьаҿ, Копенгаген имҩаҧысуа Европатәи аполитикатә аидҵара (EPC) асаммит ахь идәықәлеит. Аделегациа иалоуп адәныҟатәи аусқәа рминистр Мака Боҷоришвилии аиҳабыра радминистрациа аиҳабы Леван Жоржолиании. 

«Ҳара ҳзы аекономика ихадоу априоритетқәа иреиуп, аекономикатә азҳара аганахьала Европа атәылақәа рыбжьара аԥхьагылара ҳамоуп. Ари атренд кыршықәса ҵуеит ҳахьчоижьҭеи. Ари аҵак ду амоуп. Арҭ атемақәа ҳрылацәажәоит. Иара убас, Қырҭтәыла аҧыза-министр афранцыз ган аԥшьгарала анаркотикқәа рыҿагыларазы акоалициа ашьаҭаркра ихы алаирхәоит. Қырҭтәыла аиҳабыра ари ахырхарҭала активла аусура нанагӡоит, ҷыдала – АҩАР, ари аусҳәарҭа аусуҩцәа аҵыхәтәантәи амзқәа ирылагӡаны, наркотикқәа апрецедент змам рхыԥхьаӡара рыԥшааит, анаркореализаторцәа ааныркылан, иҭаркит», – иҳәеит  Леван Жоржолиани.