Лаша Хуцишвилии Коба Гвенетаӡеи Жәларбжьаратәи авалиутатә фондаҿ аиҧыларақәа мҩаҧыргеит
Лаша Хуцишвилии Коба Гвенетаӡеи Жәларбжьаратәи авалиутатә фондаҿ аиҧыларақәа мҩаҧыргеит

Америка авизит аҳәаақәа ирҭагӡаны, Қырҭтәыла афинансқәа рминистр Лаша Хуцишвилии Амилаҭтә банк ахада Коба Гвенетаӡеи Жәларбжьаратәи авалиутатә фонд анагӡаратә директор  Пол Ҳилберси, Ааигәатә Мрагылареи Ацентртә Азиеи абиуџьет зҵаарақәа рзы адепартамент аиҳабы   Витор Гаспари ирҧылеит.

«Пол Ҳилберс иҟны аиҧылараан аганқәа рхаҭарнакцәа  атәыла амакроекономикатә ҭышәынтәалареи аструктуратә реформақәеи ахырхарҭала Қырҭтәылеи Жәларбжьаратәи авалиутатә фонди русеицура  иалацәажәеит.  Аиҧылара алахәылацәа афискалтәи амонетатәи политикагьы иазааҭгылеит.

Абиуџьеттә зҵаарақәа рзы адепартамент аиҳабы иҟны аиҧылараан аҳасабеилыргареи, аҳасабырбареи, аҳәынҭқарратә финансқәа раартызаареи, афискалтә шәарҭарақәеи, ахазалхратә напхгареи   ахырхарҭала  Қырҭтәыла Афинансқәа рминистрреи Жәларбжьаратәи авалиутатә фонди русеицура иалацәажәеит», — иануп Қырҭтәыла Афинансқәа рминистрра адырраҿы.