Афинансқәа рминистр Лаша Хуцишвили ишааицҳаз ала, Азиа Аҿиара абанк (ADB)  аҳәынҭқарратә хазхаҭалатәи асекторқәа рфинансркра анагӡара шазыхиоу азгәанаҭеит.

Хуцишвили ари иазгәеиҭеит зиа аҿиара абанк ахада Масато Канда иҟны аиԥылара ашьҭахь.

Аминистр иажәақәа рыла, аиԥылараҿ ирылацәажәеит Қырҭтәылеи Азиатәи аҿиаратә банки русеицура иазкз азҵаарақәа. Лаша Хуцишвили Масато Канда ҳазҭоу ашықәс жәабран азы Азиа аҿиара абанк ахадас иалхра даҽазнык идиныҳәалеит, иара убас иусураҿы ақәҿиарақәа изеиӷьаишьеит.

Аиҿцәажәараан аганқәа ирылацәажәеит аҵыхәтәантәи ашықәсқәа рзы Қырҭтәыла амоу аихьӡарақәеи, аекономикатә ҿиара атемп азҳареи, амакроекономикатә рбагақәа рҭышәынтәалареи рҵакы, иара убас абанк адгылара ала атәыла аекономика аҿиара иацхрааз еиуеиԥшым аекономика ахырхарҭақәа рҿы инагӡаз апроектқәеи. Абанк Ахада иҵшьны иазгәеиҭеит арегионалтәи аганрацәатәи аусеицура аҳәаақәа ирҭагӡаны Қырҭтәыла инанагӡо ароль.