“Ҟазбеги – Хыхьтәи Ларс” агәаҭара-аужьҭратә пункт аҿы жәларбжьаратәи амҩангаҩцәа рзы аиҭаҵра аҧҟарақәа иҧсахуп. Ари атәы аанацҳаит Адгьылтә транспорт азы агентра.  Аҳәамҭа ишану ала, аҳәаа ахысра иазку аҧҟара ҿыцқәа амч рымазаауеит лаҵара 23-нӡа.

Агентра иаланарҵәаз аинформациаҿы ишазгәаҭоу ала, аиҭакрақәа ҟалеит Урыстәыла Атранспорт аминистрра аҟынтә ироуз аинформациа ашьаҭала.

«Хәажәкыра 13 инаркны  23-нӡа, аҳәаа-аужьҭратә пункт Қазбеги/Дариалаҿ, акоммуникациақәеи амҩатә аиҭаҵра аҧҟарақәеи рыҧсахра иадҳәаланы, жәларбжьаратәи амҩангара мҩаҧызго атранспорттә хархәагақәа рзы агәаҭара-аужьҭратә пунктқәа аусура нарыгӡоит ареверсивтә режимаҿ. Аҳәаа ахысраан ацәаҳәа рхыҧхьаӡара маҷхоит 11 рҟынтә  6 рҟнынӡа», — иануп аҳәамҭаҿы.