«Қырҭтәыла интересс иамоу ауп аус злоу. Абри азакәан Қырҭтәыла ишаҭахым еилкаауп, иара убас, еилкаауп   ари азакәанпроект иадгыло ауааҧсыра зегьы Қырҭтәыла евроатлантикатә аҧеиҧш аҧырхагахаразы аҭакҧхықәра агара шрықәшәо», — илҳәеит Қырҭтәыла иҟоу Америка ацҳаражәҳәаҩ  Келли Дегнан аҵысра  «Ажәлар рымч» ахаҭарнакцәа  ицәырыргаз азакәанпроект данахцәажәоз.

Дегнан лажәақәа рыла,  ЕАР,  Америка,  Европа ахеилак,  Евроеидгыла иалоу атәылақәа уҳәа,  Қырҭтәыла аҩызцәа зегьы изныкымкәа Қырҭтәыла анапхгареи апарламенти  рахь ааҧхьара ҟарҵахьеит ари азакәанпроект иамыхәаҧшырц.

«Ари азакәанпроект  амшала ақырҭуаа рыцхраареи рыҧсҭазаашьа аиҕьтәреи азы аус зуа аиҿкаарақәеи агәыҧқәеи аусура иаҟәыҵуеит.  Қырҭтәыла зынӡаскгьы иаҭахым абарҭ аинициативақәа рымшала ари апроцесс ҧырхага ду аиуеит.  Убри аҟынтә,  зҵаарак сымоуп: Қырҭтәыла уи заҭахи, ари апроект ахықәкыҵәҟьа зеиҧшрои? Қырҭтәыла ауааҧсыра реиҳара ирҭаху ахырхарҭа алырххьеит.  Ари азакәанпроект иадгыло ауааҧсыра зегьы Қырҭтәыла евроатлантикатә аҧеиҧш аҧырхагахаразы аҭак рыҧхықәзаауеит», — илҳәеит  Келли Дегнан.