Қырҭтәыла Казахстан аҩызарала иазыҟоу тәылоуп. Ҳара абри аекономикатә азҳара ахәшьара аҭара ҳалшоит, ҳәарада, уи ҩ-ганктәи ҳусеицура иацхраауеит, – иҳәеит Казахстан ахада Касим-Жомарт Қырҭтәыла аҧыза-министр Иракли Кобазиӡе иҟны аиԥылараан. 

Аиҳабыра радминистрациа апрессмаҵӡура аинформациа ала, Казахстан ахада Иракли Кобазиӡе аԥыза-министрс иеиҭалхра идиныҳәалеит. 

“Ишәыдысныҳәалоит Қырҭтәыла аҧыза-министрс шәеиҭалхра.  Қырҭтәыла ҳара ҳзы зҵакы дуу партниоруп, шәара шәеиҭалхра даҽазнык ишьақәнарҕәҕәеит шәтәылаҿы алидер ҕәҕәа шшәакәу. Ақәҿиарақәа шәзеиҕьасшьоит. Иара убас, иахьа исымоу алшара схы иархәаны, иаҵшьны иазгәасҭар сҭахуп аҵыхәтәантәи ашықәсқәа рзы Қырҭтәыла иҟаз апрогресс ду.  Ҳара Қырҭәтыла аекономикатә аҿиара ҳацклаҧшуеит. Ишыздыруа еиҧш, ҵыҧх  9.4% азҳара шәыман, ари алҵшәа даараӡа ибзиоуп. Қырҭтәыла Казахстан аҩызарала иазыҟоу тәылоуп. Ҳара абри аекономикатә азҳара ахәшьара аҭара ҳалшоит, ҳәарада, уи ҩ-ганктәи ҳусеицура иацхраауеит. Казахстан имҩаҧыжәго авизит аҵакы ду амоуп. Агәра ганы сыҟоуп ари авизит астратегиатә ҵакы змоу аусхкқәа рацәа рҿы ҳусеицуреи ҳаизыҟазаашьақәеи рырҭбаара ишацхраауа“, – иҳәеит Казахстантәи ареспублика ахада.