«Ақырҭуа гәахәтәы  – Адемократиатә Қырҭтәыла» –  Қырҭтәыла ауааҧсыра реиҳара изыдгыло иҕәҕәаӡоу гәыҧуп», — иҳәеит апартиа  «Ақырҭуа гәахәтәы» амаӡаныҟәгаҩ хада, Қарҭ ахада  Каха Калаӡе ажурналистцәа данрацәажәоз.

Каху Калаӡе иазҵааит  «Амилаҭтә ҵысра» ахаҭарнакцәа аҧыза-министр иҭыҧаз Гьаргь Вашаӡе икандидатура иқәдыргылар рҭахуп ҳәа аларҵәара зауз аинформациа иахиҳәаауа.

«Ишәасҳәара сыздырӡом. Дара роуп изыӡбаша  2024 шықәсатәи алхрақәа рҿы ишықәгылаша. Фактла иуҳәозар,  дара командак роуп, убри аҟынтә,  2024 шықәсатәи алхрақәа рҿы ишықәгыло интересс исымам.  Акоуп исҳәар исылшо,  иахьазы Қырҭтәыла ауааҧсыра реиҳара изыдгыло иҕәҕәаӡоу гәыҧуп  «Ақырҭуа гәахәтәы  – Адемократиатә Қырҭтәыла».  Сара агәра ганы сыҟоуп 2024 шықәсазы  «Ақырҭуа гәахәтәы» ишаиааиуа, ҳара 2025 шықәсазы имҩаҧысуа ахаланапхгаратә алхрақәа рҿгьы 2028 шықәсазы имҩаҧысуа апарламенттә алхрақәа рҿгьы аиааира ҳгоит», — иҳәеит  Каха Калаӡе.