Китаии, Урыстәылеи, Америкеи Евроеидгыла еиҟәыршар рҭахуп, избанзар, иаку Европа акырӡа иаҳа иҕәҕәоуп — илҳәеит  Евроеидгыла Иреиҳаӡоу ахаҭарнак Каиа Каллас

«Дара Евроеидгыла ргәаҧхом, уи еилкаауп.  Аха, ҳара цқьа иаадыруазароуп дара Евроеидгыла зыргәамҧхо. Ҳара ҳаидгылар, ҳҳәоу еиқәыршәаны ҳхы мҩаҧаагар, иаҳа ҳаҕәҕәазаауеит», — илҳәеит  Каллас.

Politiko адыррақәа рыла, Каллас лҳәамҭала, Америка ахада Дональд Трамп иадминистрациа Евроеидгыла ргәаҧхом, избанзар ари аблок Вашингтон аконкуренциа азызуа, зҵакы дуу  агеополитикатә мчуп.

Иара убас, Евроеидгыла адипломат хада ишазгәалҭаз ала, Трамп Аҩны шкәакәахь даныхынҳәы ашьҭахь, Евроеидгыла иалахәы тәылақәак Америкаҟны рхатә аимадаратә каналқәа рыхьчара рҽазыркит.

Каллас Евроеидгыла атәылақәа зегьы рахь ааҧхьара ҟалҵеит Америка, Китаи, ма Урыстәыла ианалацәажәо,  дара рхала аиҿцәажәарақәа мҩаҧымгакәа, европатәи аинститутқәа рыла аблок рыхьчаларц.