Америка авице-ахада иҳәамҭала, Алиаска имҩаҧысраны иҟоу асаммитынӡа Зеленскии Путини реиҧылара алҵшәа ахылҵуам  ҳәа игәы иаанагоит, – иҳәеит Џьеи Ди Венс  „Фоқс ниус“ аинтервиу аҿы.

Ажурналист Америка авице-ахада диазҵааит Трамп диҧылаанӡа Путин Зеленски диацәажәар еиҕьӡамзи ҳәа. Венс иҳәамҭала, иара ус игәы иаанагом.

„Уи аҟаҵара иахәҭам ҳәа сгәы иаанагоит, избанзар, Америка ахада абарҭ ҩыџьа еидикылароуп. Ҳәарада, ҳара украинаа ҳрацәажәоит. Иахьагьы ҳрацәажәеит. Ҳәарада, ари адиалог наҳагӡоит, аха, Трамп, ахада Путини ахада Зеленскии ирыдицалароуп абра еидтәаланы, рҳәатәеиқәымшәара  аҵыхәа ҧырҵәарц“, – иҳәеит Венс.

Иара ишиҳәаз ала, Трампи Путини реиҧылара адипломатиатә аиҭакра духоит ҳәа игәы иаанагоит.

„Путин ишиҳәаз ала, иара ахаангьы Зеленски диацәажәараны дыҟам, уажәы ҳара аилкаара ҳаҽуп алидерцәа, еидтәыланы, аимак ахыркәшара алацәажәара ианрылшо“, – иҳәеит Венс.