«Агәылара иҟоу атәылақәа рҵакырадгьыл акгьы зхарам аиран жәлар ржәыларазы ахархәара амамзар, агәыларатә тәылақәа ҳраахом», — иҳәеит Иран адәныҟатәи аусқәа рминистр ихаҭыҧуаҩ  Казем Гарибабади.

Гарибабади ари аҳәамҭа ҟаиҵеит азербаиџьантәи АИХқәа аинтервиу анриҭоз.

«Иран агәылара иҟоу атәылақәа ираахом, арҭ атәылақәа рҿы Израили Америкеи рбазақәа иҟамзар, иара убас, урҭ рҵакырадгьылқәа акгьы зхарам аиран жәлар ржәыларазы ахархәара амамзар. Ҳара аханатәгьы иаҳҳәеит арегионаҿ Иран ажәыларазы ахархәара змоу  америкатә базақәа ҳашраахо.  Ҳара заанаҵы уи ааҳацҳаит», — иҳәеит Иран адәныҟатәи аусқәа рминистр ихаҭыҧуаҩ.

Ажурналист  Казем Гарибабади диазҵааит азербаиџьантәи аҳаирбаҕәаза Нихичевань аахара иазкны. Аминистр ишиҳәаз ала, ари аинцидент иазкны раҧхьаӡа акәны иаҳаит.

«Ҳара агәылара иҟоу атәылақәа ҳраахом, Азербаиџьан иҟалаз аинцидент иазкны уажәоуп иансаҳа, ари аинформациа ҭысҵаароуп, нас уи алацәажәара сылшоит», — иҳәеит  Гарибабади.