«Алегитимациа змам ахада ашьауҕа ахыхразы аӡәгьы дидҵаалом,  аурыс аҕба ахырхарҭала дҳашьҭуеит», — иҳәеит апартиа  «Лело» амаӡаныҟәгаҩ хада  Иракли Купраӡе.

Иара иажәақәа рыла, Михаил Ҟавелашвили иҽазышәара алҵшәа ахылҵуам.

«Алегитимациа змам ахада иҽазышәара алҵшәа ахылҵуам. Аурыс режим аҟны ахәаахәҭра ҳалагом.  Ҳбаандаҩцәа рацәажәара алшара ҳамам,  аха,  сара,  апартиа амаӡаныҟәгаҩ хада иаҳасабала,  Мамука Хазараӡеи Бадри Џьаҧариӡеи  принципқәас ирымоу здыруеит,  дара ақырҭуа жәлар ринтересқәа рыхьчоит,  ақәҧара нарыгӡоит,  аиааира шырго агәра ргоит.  Ари азҵаара иазкны сырмацәажәацт,  аха,  агәра ганы сыҟоуп  алегитимациа змам ахада ашьауҕа ахыхразы ишидымҵаало.  Ҳара даҽазнык ахада Саломе Зурабишвили ҳлыҳәоит аполитикатә мчқәа зегьы реидҵара лҽазылкырц. Абри ауп Иванишвили зегьы реиҳа дзыцәшәо», — иҳәеит Иракли Купраӡе.

Иахьа атәыла ахада  Михаил Ҟавелашвили ибаандаҩу аполитикатә лидерцәа рахь ааҧхьара ҟаиҵеит ашьауҕа рыхәразы идҵааларц, дара алхрақәа рҽалархәра шырҭаху шьақәдырҕәҕәар, Ҟавелашвили, зыҧшра ҟамҵакәа, ашьауҕа рықәихуеит.