Иракли Кобихиӡе ЕАШ асенат Адәныҟатәи еизыҟазаашьақәа ркомитет алахәыла, асенатор Стив Денис диԥылеит.

Қырҭтәыла аиҳабыра ринформациала, аиҧылара алахәылацәа Қырҭтәылеи Америкеи реизыҟазаашьақәеи, арегионаҿ Қырҭтәыла инанагӡо ароли, атәылаҿы имҩаҧысуа аполитикатә хҭысқәеи ирылацәажәеит. 

Аҧыза-министр даҽазнык ишьақәирҕәҕәеит Қырҭтәыла аиҳабыра  аконкреттә ажәанҵақәа рышьаҭала Америкаҟны аизыҟазаашьақәа реиҭашьақәыргылареи аҩ-ганк ахырҳагара рзаазго астратегиатә партниорра арҕәҕәареи ишазыхиоу. 

“Иаҵшьны иазгәаҭан арегионаҿ аҭынчреи аҭышәынтәалареи аиқәыршәара аус аҿы Қырҭтәыла инанагӡо ароль дуи атәыла атранзиттә потенциали. Иракли Кобахиӡе ишазгәеиҭаз ала, Қырҭтәыла апартниорцәа зегьы ирыднагалоит амиллионрацәаратә џьармыкьа ахархәара аганахьала акрызҵазкәа алшарақәа. Иара убас, аиҧылараҿы хшыҩзышьҭра рызун атәылаҿы имҩаҧысуа аполитикатә процессқәа. Аиҳабыра рнапхгаҩы ишиҳәаз ала, атәылаҿы аполитикатә ҭышәынтәалара еиқәыршәоуп. Аиԥылара рхы аладыхәит Аԥыза-министр актәи ихаҭыԥуаҩ, Қырҭтәылa Аекономикеи ишьaқәгылоу aҿиaреи рминистр Леван Давиҭашвили, Қырҭтәылa Адәныҟaтәи aусқәa рминистр Мака Боҷоришвили, аиҳабыра радминистрациа аиҳабы леван Жоржолиани”, – иануп аҳәамҭа аҿы.