Қырҭтәыла аҧыза-министр Иракли Кобахиӡе, Қырҭтәыла аиҳабыра рфинанстә цхыраарала Шаортәи аҿартә лагерь аҿы зыҧсы зшьо, аҳәаанырцә инхо, ақырҭуа диаспора ирхаҭарнакцәоу аҿар дырҧылеит. 

Аиҳабыра рнапхгаҩы аҿар ирзеиҭеиҳәеит аҭынчра ахьчареи, аекономика аҿиареи, аҵара асистема аиҭакреи ахырхарҭала Қырҭтәыла анапхгара иҟарҵаз ашьаҿақәа ирызкны.  Шаортәи алагерь аҿы рыҧсы ршьоит Германтәылеи, Испаниеи, Австриеи, Ҭырқәтәылеи, Канадеи рҟынтә иааиз ақырҭуа диаспора ирхаҭарнакцәоу аҿар.

Хәымштәи алагерь апрограмма аҳәаақәа ирҭагӡаны, аҿар еиуеиҧшым аҵаратәи, аспорттәи, арккаратәи усмҩаҧгатәқәа рхы рыладырхәыр рылшоит. Дара еиуеиҧшым актуалтә темақәа рзы атренингқәа рзымҩаҧыргоит.  2025 шықәсазы Шаортәи алагерь аҿы рыҧсы ршьоит 800-ҩык раҟара аҿар.