Иракли Кобахиӡе - Қырҭтәыла еснагь ихадоу атранзиттә роль нанагӡон. Ҭоурыхла ҳара Мраҭашәареи Мрагылареи, Европеи Азиеи еидаҳкылон. Иахьа ари ароль иаҳа иаарԥшуп ҳакәша-мыкәша аҭыԥ змоу ахҭыс уадаҩқәа рфон аҿы
Қырҭтәыла еснагь ихадоу атранзиттә роль нанагӡон. Ҭоурыхла ҳара Мраҭашәареи Мрагылареи, Европеи Азиеи еидаҳкылон. Иахьа ари ароль иаҳа иаарԥшуп ҳакәша-мыкәша аҭыԥ змоу ахҭыс уадаҩқәа рфон аҿы, — иҳәеит Қырҭтәыла аԥыза-министр Иракли Кобахиӡе Туркменистан, Аваза ақалақьаҿ имҩаҧысуа ЕАР аконференциа аҿы данықәгылоз.
Иракли Кобахиӡе иажәақәа рыла, аиҳабыра рнапхгаҩы Қырҭтәыла астратегиатә ҭыҧ дазааҭгылан, ишазгәеиҭаз ала, Европеи Азиеи рымҩеихысырҭаҿы ишьҭоу ари атәыла зҵакы дуу атранзиттә корридоруп.
“Европатәи абизнес азы Қырҭтәыла – Аахыҵ Кавказахь мацара акәымкәа, Ацентртә Азиеи, иаҳа инарҭбаау мрагыларатә аџьармыкьақәеи рахь зегьы реиҳа икьаҿу адгьылтә маршрутуп – мрагылара иҟоу адгьылтә агәыларатә тәылақәа рзы Қырҭтәыла – агеографиатә, иара убас, аекономикатә ганахьала европатәи агәашәуп. Аха, уи иазхом – ари агәашә ахырҳага ду ҳнаҭароуп. Атранзиттә операциақәа реффективра аиқәыршәаразы аполитикатә алхра иашеи, астратегиатә инвестициақәеи, амаҵзура бзиеи аҭахуп. Абри амҩоуп жәашықәсала Қырҭтәыла изну, иҳамоу алҵшәақәагьы уи шьақәдырҕәҕәоит”, – иҳәеит аҧыза-министр.
Иракли Кобахиӡе данықәгылоз, атәылаҿы еиқәыршәоу, иманшәалоу аинвестициатә лагылазаареи атәыла атранзиттә функциа аизырҳара ацхраара иазку аинфраструктуратә проект дуқәеи дрылацәажәеит.
