Европа адгылара иаанагом Қырҭтәыла уаҿагылароуп ҳәа. Ҳара амилаҭқәа рацәа рыла ишьақәгылоу, аҷыдаҟазшьа ҕәҕәақәа змоу Европа агәра ҳгоит, ҳара згәыдурала урҭ ҳрыдгылоуп – Венгриа аҩныҵҟагьы  анҭыҵгьы — ҳара, аԥсадгьыл абзиабара гәнаҳам, ҟазшьа бзиоуп ҳәа уажәгьы агәра зго ауаа. Ҳара евроинтеграциа ҕәҕәала ҳазгәыкуп, аха ҳаламыси ҳсуверинитети каҳажьуам. Ҳара иҩбоу астандартқәа ҳазрықәшаҳаҭхом, ҳҷыдаҟазшьара аполитикатә хырҳагаразы иҳаҧсахуам, – иҳәеит Қырҭтәыла аԥыза-министр Иракли Кобахиӡе Аконсервативтә политикатә хҭысқәа ирызку аконференциаҿ (CPAC) аҿы данықәгылоз.

Кобахиӡе иажәақәа рыла, европатәи аган аанкылана Қырҭтәыла аҿагылара иаанагом.

“Иахьа Мраҭашәара амҩеихысырҭаҿ игылоуп, аполитикатә Мраҭашәара мацара акәымкәа, ацивилизациатә Мраҭашәарагьы  – ақьырсиантәи адемократиатәи принципқәа ирықәгылоу Мраҭашәара. Ҳара ҳҷыдаҟазшьақәеи Анцәа иҳанеишьаз азини – Ҳазшаз ҳшишаз абас аанхара азини рыхьчара азоуп иахьа абра ҳзеизаз. Ҳара Мраҭашәара ҳаҿагылам, избанзар, ҳара ҳхаҭагьы Мраҭашәара ҳаҵанакуеит, – Мраҭашәараҵәҟьа ҳаҵанакуеит. Адунеи зегьы иатәамбакәа зегьы знапаҿы иаазгар зҭаху Deep State акәымкәа – ахақәиҭреи, адинхаҵареи, аҭаацәаратә принципқәеи ҳрызгәыкуп“, – иҳәеит Кобахиӡе.