Қырҭтәыла аыза-министр Иракли Кобахиӡе Еиду Арабтәи Аемиратқәа рхада, ашеих Моҳамед Бин Заиед Аль Наҳаиан диԥылеит, – аарыцҳаит Қырҭтәыла Аиҳабыра радминистрациа аҟынтә.

Аусҳәарҭа аинформациа ала, аиԥылараҿы ахшыҩзышьҭра азуун Қырҭтәылеи Еиду Арабтәи Аемиратқәеи рыбжьара аполитикатәи аекономикатәи усеицура  адинамика бзиа.

Аиҳабыра рхантәаҩы ашеих Моҳамед Бин Заиед Аль Наҳаиан ивизит аҵак ҷыда шамоу, ари ҩ-ҳәынҭқаррак рыбжьара аусеицура арҵаулара ишацхраауа иазгәеиҭеит.

Еиду Арабтәи Аемиратқәа рхада инаҵшьны иазгәеиҭеит Қырҭтәылеи Еиду Арабтәи Аемиратқәеи еиуеиԥшым ахырхарҭақәа рыла аусеицура шрыбжьоу.

Ашеих Моҳамед Бин Заиед Аль Наҳаиан иазгәеиҭеит ахәаахәҭратә еизыҟазаашьақәа рыҿиара адинамика бзиа шамоу, насгьы аҩ-ҳәынҭқаррак аҭынчреи аҭышәынтәалареи рҵакы иадхәаланы  еиԥшу ахәаԥшьышь шрымоу.

Аиҳабыра радминистрациаҿ имҩаԥгаз ирҭбаау аформат аҿы аиԥылара рхы аладырхәит Қырҭтәылеи Еиду Арабтәи Аемиратқәеи реиҳабырақәа рхаҭарнакцәа.

Аиԥылараҿ Қырҭтәылa Аекономикеи иҭышәынтәалоу aҿиaреи рминистр Мариам Қвривишвилии  Eagle Hills Group ашьаҭаркҩы, ахантәаҩы Моҳаммед Алабари  Қырҭтәыла 6 миллиард америкатә доллар иаҟароу аинвестициатә проектқәа рынагӡара иазку аиқәшаҳаҭра рнапқәа аҵарҩит.