„Аартызаара иазку” азакәан абзоурала, аиҳабыра  атәылаҿы аҭышәынтәалара аиқәыршәареи  аполиаризациа армаҷреи рылшеит,— иҳәеит Қырҭтәыла аҧыза-министр Иракли Кобахиӡе Қырҭтәыла Абизнес ассоциациа аконфренциаҿы данықәгылоз.

Аиҳабыра рнапхгаҩы иажәақәа рыла, аҳәаанырцәтәи аҧара активла ахархәара аман Қырҭтәыла  иҧсабаратәымқәа аҭагылазаашьа аруадаҩразы, „Аартызаара иазку” азакәан абзоурала, аиҳабыра  атәылаҿы аҭышәынтәалара аиқәыршәареи  аполиаризациа армаҷреи рылшеит.

„Иахьа атәылаҿы ҭынчроуп. Аҭыҧантәи ахаланапхгаратә алхрақәа ааигәахоит. Ахаланапхгаратә алхрақәа ҭынч имҩаҧысуеит ҳәа ҳгәы иаанагоит. Исериозым ҳәамҭақәак шыҟаҵоугьы, жьҭаара  4 ҭынч имҩаҧысып, атәыла иҭышәынтәалоу аҿиара нагӡахап ҳәа ҳгәыҕуеит.  Ҳәарада, аиҳабыра рзгьы абизнес азгьы аҭынчреи аполитикатә ҭышәынтәалареи ахадаратә ҵакы рымоуп. Ҳара уи азы аҭак ҳаҧхықәуп, абизнес аҟаҵаразы иҭышәынтәалоу аполитикатәи аекономикатәи лагылазаара аҧҵаразы иаҭаху зегьы ҟаҳҵоит“, – иҳәеит аҧыза-министр.