2012 шықәса инаркны иахьанӡа анхарҭа ҿыцқәа роуит 39 000 ихҵәоу аҭааацәара, уи алагьы иубарҭоуп атәыла анапхгара ҿыц ахҵәацәа ҽакала ишрызныҟәо, –  иҳәеит аҧыза-министр Қәҭешь ихҵәоу аҭаацәарақәа ҿыц иргылоу акорпусқәа рҿы ауадақәа рыҭара ацеремониаҿ данықәгылоз.

Аҧыза-министр ахҵәацәа рыцхраара иазку абиуџьет аизырҳара далацәажәан, ишиҳәаз ала, ари ахырхарҭа абиуџьет  25 миллион аҟынтә  240 миллионынӡа иазҳаит.

“Иахьа имҩаҧысуа апроектқәа зеиҧшҟамлац амҽхак рымоуп. Аамҭакала 5 қалақьк рҿы, – Қәҭешьи, Қарҭи, Русҭавии, Жәыргьыҭи, Борџьомии зқьыла ихҵәоу аҭаацәара рзы анхарҭа ҿыцқәа рыргылара ҳаҿуп. Инеизакны абри зегьы иазоушьҭуп 6 000 000 лари. „Ақыҭан аҩны“ апроектгьы қәҿиарала имҩаҧысуеит, уи аҳәаақәа ирҭагӡаны 12 000 аҭаацәара агәареи  адгьылҭыҧи зцу ахатә ҩнқәа аархәахьеит“, –  иҳәеит аҧыза-министр.  

Қырҭтәыла аҧыза-министр Иракли Кобахиӡе ахҵәацәа  анхарҭа ҿыцқәа раиура рыдныҳәаланы, ишиҳәаз ала, ари ашьаҿагьы ибзианы иаанарҧшуеит Қырҭтәыла анапхгара ахҵәацәа ишрызныҟәо.