Гелаҭи иамоу аҭоурых дуи ауаатәыҩсаратә аҵаки аҭакҧхықәра ду ҳадырҵоит зыхә дуу абри аҭынхара ахьчареи игыло абиҧарақәа рзааныжьреи азы, – иҳәеит Қырҭтәыла аҧыза-министр Иракли Кобахиӡе Гелаҭи аберҭыҧ аҭӡамцтә сахьақәеи амозаикеи рконсервациатә программа амҩаҧгара инамаданы имҩаҧгаз ауснагӡатә аҿы данықәгылоз. 

Аиҳабыра рнапхгаҩы иажәақәа рыла, Гелаҭи ашәышықәсақәа рацәа ирылагӡаны, уажәгьы, Қырҭтәыла адоуҳатәи акультуратәи ахыҵҵырҭа хадас иҟан, егьаанхоит.

„Гелаҭи ауникалтә архитектуратә ансамбль иамоу ауниверсалтә ахә  Иунеско ала иазхаҵоуп. Гелаҭи иамоу аҭоурых дуи ауаатәыҩсаратә аҵаки аҭакҧхықәра ду ҳадырҵоит зыхә дуу абри аҭынхара ахьчареи игыло абиҧарақәа рзааныжьреи азы. Ҳазынтәгьы ибзианы иҳгәалашәоит уажәааны Гелаҭи изакәытә ауадаҩрақәоу изҭагылаз; Гелаҭи аберҭыҧтә комплекс адунеи аҭынхара асиа ианырхыргьы ауан, аха,  еицаҳзеиҧшут аџьабаа ду абзоурала, ари астатус ахьчара ҳалшеит”, – иҳәеит аҧыза-министр.