Атәылахьчареи ашәарҭадареи азҵаарақәа рзы апарламенттә комитет ахантәаҩы Иракли Бераиа иҳәамҭала, иахьа Қырҭтәыла, зеиҧшҟамлац ала Евроеидгылеи НАТОи ирзааигәоуп.

Иара иажәақәа рыла, Қырҭәтәыла евроатлантикатәи интеграциа азҵаара ахадаратә ҵакы амоуп.

«Ҳара еснагь иаҳҳәоит анапхгаратә мчы аҳасабала ҳара ахаангьы аизааигәабара ҳаззақәшаҳамҭхо ҩ-цәаҳәа ҟаҧшьк, ҩ-зҵаарак  шыҟоу, уи ахьыҧшымреи, аҵакырадгьылтә акзаареи, евроатлантикатә интеграциеи азҵаарақәа роуп. Ааи, «Ақырҭуа гәахәтәы» —  евроатлантикатә интеграциа амҩаҿы Қырҭтәыла ҧхьаҟа изго мчуп. Ҳара Евроеидгылеи НАТОи рахь аинтеграциа апроцессаҿ иҳацхрааша акрызҵазкәа апрактикатә хархәагақәа ҳауит.  Евроинтеграциа ахырхарҭала есымша ҧхьаҟацара ҳаҿуп. Қырҭтәыла НАТО алаларазгьы апрактикатә хархәагақәа зегьы амоуп. НАТОи ҳареи ҳусеицура аҩаӡара зеиҧшҟамлац ала иҳаракуп. Уажәазы хықәкык ауп иҳамоу  — Бухаресттәи асаммит аҿы ҳпартниорцәа ирыдыркылаз аӡбара иаамҭаны инагӡахарц иҟаҳҵароуп», — иҳәеит Иракли Бераиа Катартәи Аекономикатә форум аҿы Қырҭтәыла аҧыза-министр Иракли  Ҕарибашвили иқәгылара данахцәажәоз.