Қырҭтәыла аԥыза-министр Иракли Ӷарибашвили Ҭырқәтәылатәи ахада Реџьеп Таип Ердоӷани, аиҳабыреи аҭырқәа жәлари Ҭырқәтәыла иҟалаз адгьылҵысра инамаданы дрыдашшылоит.

Аиҳабыра рнапхгаҩы ишазгәеиҭаз ала, Қырҭтәыла аҭырқәа жәлар ирывагылоит, иарбанзаалак ацхыраара аарԥшра азыхиоуп.

„Ҭырқәтәылатәи ахада Реџьеп Таип Ердоӷани, аиҳабыреи аҭырқәа жәлари Ҭырқәтәыла иҟалаз адгьылҵысра инамаданы дрыдашшылоит. Ахәрақәа зауз ауааԥсыра агәабзиара ирзеиӷьасшьоит.

Аҭырқәа жәлар ҳрывагылоит, иарбанзаалак ацхыраара аарԥшразы ҳахиоуп“,- иаит Иракли Ӷарибашвили.

Аҵыхәтәантәи дыррақәа рыла, Ҭырқәтәыла иҟалаз адгьылҵысраан иҭахеит 284-ҩык, ахәрақәа роуит 2323-ҩык. Атәыла алада-мрагыларатәи ахәҭәаҿ иҟалаз адгьылҵысра ӷәӷәа аан жәақалақьк аԥхасҭа роуит. Аҭыԥ аҿы амобилизациа рзууп аиқәырхаҩҵәа, азакәанхьчаҩцәа, ар.