Аиҳабыра иахьатәи реилатәараҿы иалацәажәеит  аҧшатә афымцатә 2 станциаки амратә афымцатә станциаки рырҿиареи рыдгылареи апроект. Аҧшатә афымцатә станциақәа апроектқәа руакы Имереҭи арегионаҿ имҩаҧысуеит, уи 103,5 мегаватт амҽхак амазаауеит, 362 миллион квт/сааҭ афымца ааглыхра алшоит. Апроект иаларҵоит 130 миллион адоллар аинвестициа. Егьи аҧшатә афымцатә станциа дыргылараны иҟоуп Шида Қарҭли арегионаҿ, Қарели амуниципалитетаҿ, уи  43,4 мегаватт амҽхак амазаауеит,  148 миллион квт/сааҭ ааглыхра алшоит, ари апроект иаларҵоит 25,25 миллион адоллар аинвестициа.

Убри адагьы, Имереҭи арегион иаларҵоит  4,797 миллион адоллар аинвестициа, ари аҧарала Ҭерџьола амуниципалитетаҿ  7,8 мегаватт амҽхак зауа амратә афымцатә станциа дыргылоит, заанаҵтәи азҧхьагәаҭарақәа рыла, ари астанциа  10,295 миллион квт/сааҭ афымца ааглыхра алшоит.

Уажәазы апроектқәа рыхҧагьы ртехника-економикатә аҭҵаареи азакәанла иазҧхьагәаҭоу апроцедурақәеи мҩаҧысуеит.