Швеицариатәи аконфедерациаҿы раҧхьатәи аофициалтә визит аҳәаақәа ирҭагӡаны, Қырҭтәыла адәныҟатәи аусқәа рминистр Илиа Дарчиашвили швеицариатәи иколлега Игнасио Кассис диҧылеит. Ари аинформациа аланарҵәеит Адәныҟатәи аусқәа рминистрра.

Аусбарҭа адыррала, аганқәа рхаҭарнакцәа ҩ-тәылак русеицуреи еиуеиҧшым аусхкқәа рҿы аусеицура апланқәеи ирылацәажәеит.

«Аминистрцәа  Украинаҿ аурыс агрессиа амшала арегионаҿ ашәарҭадара аҭагылазаашьа иалацәажәеит. Иаҵшьны иазгәаҭан европатәи аконтинентаз Амшын еиқәа иамоу аҵакы.

Иара убас, аиҧылара алахәылацәа ишазгәарҭаз ала, швеицариатәи аилахәырақәа Қырҭтәыла қәҿиарала аус руеит, ахәаахәҭра адинамикеи Швеицариантә Қырҭтәылаҟа аҭааҩцәа рхыҧхьаӡареи ацлеит.

Рашәара 19-20 рзы Илиа Дарчиашвили, раҧхьатәи аофициалтә визитла Швеицариа даҭааит. Авизит аҳәаақәа ирҭагӡаны, адәныҟатәи аусқә рминистр, Швеицариа Амилаҭтә хеилак ахантәаҩи Берн ахадеи дырҧылоит.