Қырҭтәыла адәныҟатәи аусқәа рминистр Илиа  Дарчиашвили  Қырҭтәыла иҟоу Нидерланды аҳра ацҳаражәҳәаҩ ҿыц Мелине Аракелиан дылҧылеит. Аиҧылара аибадырратә ҟазшьа аман.

Илиа  Дарчиашвили голландиатәи адипломат  Қырҭтәыла лдипломатиатә миссиа алагара  лыдныҳәаланы, ақәҿиарақәа лзеиҕьеишьеит.

Аиҧылараҿы ҩ-тәылак реиҩызаратәи рпартниортәи еизыҟазаашьақәа ирылацәажәеит.

Хшыҩзышьҭра ҷыда азун Қырҭтәыла евроинтеграциа апроцесс. Илиа Дарчиашвили Еврокомиссиа абжьагарақәа рынагӡаразы Қырҭтәыла имҩаҧгоу аусура ду далацәажәан, ишиҳәаз ала,  европатәи апартниорцәа Қырҭтәыла апрогресс  иазхаҵаны, атәыла акандидат астатус анаршьап ҳәа  дгәыҕуеит.

Аганқәа рхаҭарнакцәа ишьақәдырҕәҕәеит ҩ-тәылак рыбжьара аусеицура иаҳа арҭбаара ишазыхиоу.

Ари аинформациа аланарҵәеит Қырҭтәыла Адәныҟатәи аусқәа рминистрра.