Қырҭтәыла адәныҟатәи аусқәа рминистр Илиа Дарчиашвили латвиатәи иколлега  Кришианис Каринш диҧылеит.

Қырҭтәыла Адәныҟатәи аусқәа рминистрра аҟынтә ишаарыцҳаз ала,   аганқәа рхаҭарнакцәа гәахәарала иазгәарҭеит акыраамҭатәи аангылара ашьҭахь Қырҭтәыла адәныҟатәи аусқәа рминистр Латвиа имҩаҧиго авизит зҵакы дуу арыцхә ишақәшәаз  — Қырҭтәылеи Латвиеи рыбжьара адипломатиатә еизыҟазаашьақәа рышьақәыргылара инаркны  30 шықәса аҵра.

«Хшыҩзышьҭра ҷыда азун Қырҭтәыла евроинтеграциа аусхәаҧштә. Аминистр Евроеидгыла 12 абжьагарақәа рынагӡараҿы иҟоу апрогресс далацәажәан,  иаҵшьны иазгәеиҭеит Қырҭтәыла акандидат астатус анашьара апроцессаҿ Евроеидгыла иалоу аҳәынҭқаррақәа рҟынтә адгылара аҵакы ду шамоу. Латвиа ахаҭарнак даҽазнык ишьақәирҕәҕәеит иара итәыла Қырҭтәыла европатәи аҧеиҧш ишадгыло.

Аганқәа рхаҭарнакцәа ашәарҭадара аганахьала арегионаҿ аҭагылазааша иалацәажәеит.

Аиҧылара анҵәамҭаз,  Илиа Дарчиашвили латвиатәи иколлега Қырҭтәылаҟа дааиҧхьеит.