Қырҭтәыла адәныҟатәи аусқәа рминистр Илиа Дарчиашвили,  Аусеицуреи Ашәарҭадареи рзы Европатәи Аиҿкаара аминистериал аҳәаақәа ирҭагӡаны,  европатәи иколлегацәа дырҧылеит.

Авизит раҧхьатәи амш азы,  адәныҟатәи аусқәа рминистр Аахыҵ Кавкази Ацентртә Азиеи рҿы НАТО амаӡаныҟәгаҩ хада ихаҭарнак ҷыда Ҳавиер Коломина диҧылеит.

Аиҧылараҿы аганқәа рхаҭарнакцәа НАТО-Қырҭтәыла аусхәаҧшҧтә иаҵанакәа азҵаарақәеи,  евроатлантикатә интеграциа апроцессаҿы Қырҭтәыла иҟоу апрогресси,  апрактикатә усеицура арҭбаара аперспективақәеи, 2024 шықәсазы Вашингтон имҩаҧысраны иҟоу НАТО асаммит аҟынтә иззыҧшу алҵшәақәеи ирылацәажәеит.

Иара убас,  Қырҭтәыла адәныҟатәи аусқәа рминистр,   европатәи жәларбжьаратәи аусқәа рзы Австриа афедералтә министр Алеқсандр Шалленберг диҧылеит.  Аганқәа рхаҭарнакцәа Евроеидгылашҟа Қырҭтәыла алалара апроцесси,  Еврокомиссиа иҟанаҵаз абжьагара бзиеи,  анеҩстәи апроцессаан Австрсиа аҟынтәи Қырҭтәыла иаиуа адгылареи  иалацәажәеит.

Убри адагьы,  Илиа Дарчиашвили,  Исландиа адәныҟатәи аусқәа рминистр  Биарни Бенедиктс диҧылеит.

Аусеицуреи Ашәарҭадареи рзы Европатәи Аиҿкаара аминистериал аҳәаақәа ирҭагӡаны,   Илиа Дарчиашвили 15 раҟара аиҧыларақәа мҩаҧигараны дыҟоуп.  Иара убас, ақырҭуа министр,  Аусеицуреи Ашәарҭадареи рзы Европатәи Аиҿкаара Аминистрцәа рхеилак аҿы дықәгылоит. Иара Қырҭтәыла импыҵахалоу аҵакырадгьылқәа рҿы аҭагылазаашьеи  жәларбжьаратәи аиҩызара адгылара аконсолидациеи далацәажәоит.