Иҳәынҭқарратәым аиҿкаарақәа рхаҭарнакцәа — Нино Ломџьариеи,  Ека Гигаурии, Алеқсандр  Барамиӡеи,  Нино Евгениӡеи  —  абрифинг еицымҩаҧырган, аполитикатә партиақәа ирызкны уажәааны апарламент иаднакылаз азакәанҧҵаратә ҧсахрақәа ирылацәажәеит.

Иҳәынҭқарратәым аиҿкаарақәа рхаҭарнакцәа рҳамҭала, партиак злоу апарламент иаднакылаз аҧсахрақәа Аконституциа иаҿагылоит, аоппонентцәа рықәгара ауп изызку.

«Партиак мацара,  „Ақырҭуа гәахәтәы“ злоу апарламент жьҭаара  16 рзы, ирласу аҧҟарала, аполитикатә партиақәа рқәиҭымтәра иазку азакәанҧҵаратә пакет рыдыркылеит.

Ҳгәы ишаанаго ала, арҭ аҧсахрақәа Аконституциа иаҿагылоит, „Ақырҭуа гәахәтәы“ аполитикатә оппонентцәа аполитикатә процесс аҟынтә рықәгара ауп изызку. Ари аӡбара даҽазнык иаанарҧшуеит апартиа „Ақырҭуа гәахәтәы“, акыраамҭала анапхгараҿы аанхара амзызла, аҳәынҭқарратә институтқәа рхы ишадырхәо», — ирҳәеит иҳәынҭқарратәым аиҿкаарақәа рхаҭарнакцәа.