Иахьа, мшаҧы  29 рзы, Қырҭтәыла амуниципалитетқәак рҿы имҩаҧысуеит апарламенти Сакребулои рахь абжьаратәи алхрақәеи ақалақьқәа рхадацәа изаамҭаным алхрақәеи.

Қырҭтәыла апарламентахь  абжьаратә алхрақәа рҿы кандидатцәас иқәгылоуп: Бесик Ҵулеискири —  аполитикатә аидҵара  «Зхы иақәиҭу Қырҭтәыла»; Гьаргь Хахубиа  — атәылауаа рполитикатә аидҵара  «Ақырҭуа гәахәтәы — Адемократиатә Қырҭтәыла».

Амуниципалитетқәа  рхадацәа изаамҭаным алхрақәа рҿы кандидатцәас иқәгылоуп: Ҵагери аокруг аҿы  – Леван Залкалиани атәылауаа рполитикатә аидҵара «Ақырҭуа гәахәтәы – Адемократиатә Қырҭтәыла» аҟынтәи;  Ҭерџьола аокруг аҿы  – Манучар Робақиӡе аполитикатә аидҵара  «Ақырҭуа гәахәтәы — Адемократиатә Қырҭтәыла» аҟынтәи.

Алхратә процесс мҩаҧысуеит аелектронтә технологиақәа рхархәарала.