«Иаку анеитралтә Қырҭтәыла» — Ақырҭуа АИХқәа ма аиҳабыра еиҿыркаауа иаарту адебатқәа рҽалархәра ҳазыхиоуп

12:00, 24.01.2026

Апартиа «Иаку анеитралтә Қырҭтәыла» ахаҭарнакцәа рҳәамҭала, дара ақырҭуа АИХқәа ма аиҳабыра еиҿыркаауа иаарту адебатқәа рҽалархәра ҳазыхиоуп. Апартиа иаланарҵәаз аҳәамҭа ишану ала, акыршықәса ирылагӡаны, аиҳабыра альтернативтә гәаанагара рзаарҧшра алшара иҟамызт, избанзар, атәыла еснагь ареволиуциатә режим иҭагылан.

«Адебатқәа рзы иреиҕьу ҭыҧуп азакәанҧҵаратә орган, аха, уажәы ари аорган ахатә функциа нанагӡом, избанзар, абариер иахысыз 4 партик рҟынтә х-партиак, аҳәаанырцәынтә ироуз адҵала, апарламент алаларазы мап ркит. Аполитикатә ганк «Молотов икоктеильқәа» иршәны, административтә хыбрақәа рбылра анырҭаху, аконструктивтә дискуссиазы алагылазаара зыҟалом. Убри аҟынтә, раҧхьа иргыланы, аамҭалатәи аусеилыргаратә апарламенттә комиссиа аихшьаала ашьаҭала апрокуратураҿ иалагаз аусеилыргара излауа ала ирласны ихыркәшатәуп, избанзар 2004 шықәса инаркны Қырҭтәыла аҕацәа рымаҵ зуа, атәылеи ажәлари ирҿагыланы ихьанҭаӡоу ацәгьаурақәа ҟазҵаз агәыҧқәа рполитикатә ауранагӡара иҧкызароуп», — иануп аҳәамҭаҿы.

АПОЛИТИКА

«Иаку анеитралтә Қырҭтәыла»