Қырҭтәыла аҧыза-министр иӡбарала иалагаз зыхә ршәо аҧышәарахысратә программа аҿари аҳәынҭқарреи рзы ихырҳагахоит, ари апрограмма иабзоураны аҳәынҭқарратә сектор аҿы иҿыцу акадрқәа ҵәырҵуеит, – иҳәеит Аҵара аминистр Гиви Миқанаӡе.

Аминистр иажәақәа рыла, сынтәа апрограмма аӡәаақәа ирҭагӡаны аҳәынҭқарратә усҳәарҭақәа рҿы зыхә ршәо аҧышәарахысра алшара роуеит 3000-ҩык рҟанӡа ақәыԥшцәа.

Қырҭтәыла аҧыза-министр иӡбарала, 2025 шықәса цәыббра 1 инаркны аҳәынҭқарратә усбарҭақәа рҿы, иара убас, аҳәынҭқарртә усбарҭақәа рсистема иаҵанакуа аҳәынҭқарратәи хазхаҭалатәи аиуристтә хаҿқәеи рҿы зыхә ршәо хымзтәи аҧышәарахысразы аконкурс рылаҳәоуп. Аусура аҳәынҭқарратә маҵзураны иахьыҧхьаӡоу аҳәынҭқарратә усбарҭақәа рҿы аҧышәарахысра аҳәынҭқарратә маҵзура астаж аҳасабала иҧхьаӡахоит, аҳәынҭқарратә усбарҭа иаҵанакуа аҳәынҭқарратә ма хазхаҭалатәи аиуристтә хаҿы аҿы аҧышәарахысра – азеиҧш стаж/аусуратә ҧышәас иҧхьаӡахоит.