«Иахьа Қырҭтәыла аполитикатәи аекономикатәи кризис излалҵша, ашәарҭадара еиқәзыршәаша аӡбара аднакылароуп. Раҧхьатәи шьаҿоуп аҿыц алхрақәеи, аполитбаандаҩцәа рхақәиҭтәреи, акаолициатә еиҳабыра аҧҵареи», — иҳәеит апартиа  «Аҕмашенебели истратегиа» алидер Гьаргь Вашаӡе.

Иара иажәақәа рыла, атәыла акризис иалҵырц азыҳәан, азеиҧш ҽазышәара иҟазароуп.

«Аҩбатәи ашьаҿа  — Америкеи Евроеидгылеи рҟны зыҧшра ҟамҵакәа аизыҟазаашьақәа реиҭашьақәыргылареи аусеицура ҕәҕәеи. Адгылаҩцәа ҕәҕәақәа рыбзоурала мацароуп Қырҭтәыла жәларбжьаратәи аренаҿ ахатә ҭыҧ аанкылареи ашәарҭадара аиқәыршәареи  шалшо. Евроеидгылашҟа Қырҭтәыла алалара апроцесс ирласӡаны иалагарц азыҳәан Иванишвили анапхгара ззиуа амчыларатә режим аҧсахра мацароуп иаҭаху.  Уи абзоурала, Қырҭтәыла атәылауаа иаҳа ирацәаны аперспективақәа роуеит, рхашәала ацлоит, иаҳа ихьчазаауеит. Аха уажәтәи аҭагылазаашьа  —  арежим ахаҭарнакцәа рыла Қырҭтәыла амацара ааныжьра — уи ачарҳәароуп, хықәкылатәи ачарҳәароуп. Еиҭасҳәар сҭахуп: ари аҭагылазаашьа алҵразы амҩа иҟоуп, акоуп уи иаҧырхагоу  —  Иванишвилии амчыларатә ирежими», — иҳәеит Гьаргь Вашаӡе.