Америка аҳәынҭқарратә маӡаныҟәгаҩ Ентони Блинкен Израиль даҭаауеит абҵара 3 рзы. Ари атәы ааицҳаит Аҳәынҭқарратә департамент аофициалтә хаҭарнак Метиу Миллер.
«Блинкен Израиль даҭаауеит ахәашазы, уаҟа атәыла анапхгара дырҧылоит, анеҩс, арегион егьырҭ атәылақәа рҿы аиҧыларақәа мҩаҧигоит», — иҳәеит Миллер.
«ҲАМАСа» жьҭаара 7 рзы Израиль ианажәыла ашьҭахь, Блинкен ҩынтә Израиль даҭаахьеит. Иара убас, иара Иорданиеи, Ҟатари, Бахреини, Саудтәи Аравиеи, Иеиду Араҧтәи Емиратқәеи, Египети дыҟан.