Апартиа “Дроа” алидер Елене Хоштариа ишаалыцҳаз ала, Диӷоми иҟоу аамҭалатәи аиҟәыҭхагаҿ урыстәылатәи астиль ала лаҳаҭыр ԥырҽит.

Асоциалтә ҳаҿы иаларҵәаз адыррақәа рыла, аанкылара ашьҭахь аполициа аҟәшахь даныргоз азакәанхьчаҩцәа амч рхы иадырхәит.

«Семоциақәа раларҵәара бзиа избаӡом, аха санааныркылоз аҭыԥ змаз ацәгьоура иазкны шәзеиҭасҳәар сҭахуп. Ари сара сымацара схысымгаӡеит, абра иҭаку ақәыԥшцәа реиҳараҩык раҳаҭыр ладырҟәуеит, рзинқәа еиларгоит. Рамишвили имҩаҿ иҟоу аполициа аҟәшаҿы Нино Чхартишвилии Давид Болоҭашвили ааха сырҭеит.

Уи ашьҭахь Диӷоми саниарага, уа Нино Чхартишвили, Саломе Лашхиеи даҽа полициа усзуҩки сан сшаалыхшаз саанрыжьит”, -илҩит Хоштариа.

Хәажәкыра 28 рзы апартиа “Дроа” алидер Елене Хоштариа апарламент аԥхьа имҩаԥысуаз акциаҿ административтә ҵасла даанкылан.