Аԥыза-министр актәи ихаҭыԥуаҩ, Қырҭтәылa Аекономикеи ишьaқәгылоу aҿиaреи рминистр Леван Давиҭашвили ЕАШ рҿы авизит аҳәаақәа ирҭагӡаны, Аҩны шкәакәаҿ, Амилаҭтә шәарҭадаратә хеилак аҿы ЕАШ ахада ицхырааҩ, Амилаҭтә шәарҭадара  хеилак европатәи азҵаарақәа рзы адиректор хада Ендриу Пик диԥылеит,  – аарыцҳаит Қырҭтәылa Аекономикеи ишьaқәгылоу aҿиaреи рминистрра аҟынтә.

Аусҳәарҭа аинформациа ала, аиԥылара далахәын аминистр актәи ихаҭыԥуаҩ Геннади Арвелаӡе.

“Аԥыза-министр актәи ихаҭыԥуаҩ, Қырҭтәылa Аекономикеи ишьaқәгылоу aҿиaреи рминистр Леван Давиҭашвили ЕАШ рҿы авизит аҳәаақәа ирҭагӡагы, Аҩны шкәакәаҿ имҩаԥгаз аиԥылара аҵак ҷыда амоуп. Администрациа ҿыц аҟны “Ақырҭуа гәахәтәы” аиҳабыра ирымоу априоритетқәа рыхцәажәара ихадаран, арҭ априоритетқәеи хада Трамп ихәаԥшышьеи еиқәшәоит, убри аҟынтә аусеицуразы аперспективақәа рацәоуп”, – иҳәеит вице-аԥыза аиԥылара ашьҭахь.

Авизит аҳәаақәа ирҭагӡаны Аԥыза-министр актәи ихаҭыԥуаҩ, Қырҭтәылa Аекономикеи ишьaқәгылоу aҿиaреи рминистр ЕАШ Аҳәынҭқарратә департаменти, Афинансқәеи ахәаахәҭреи рминистрреи, Ахәаахәҭратә напхгараҭареи, Жәларбжьаратә авалиутатә фонди, Адунеитә банки рхаҭарнакцәа дырԥылеит.