«Венгриа  ауааҧсыра дара зыгәра рго аполитикатә амч иадгылеит, уи ауп ихадоу», — иҳәеит апроцедуратә зҵаарақәа рзы  апарламенттә комитет ахантәаҩы Давиҭ  Матикашвили.

Иара иажәақәа рыла,  авенгрцәеи ақырҭуааи,  ҳтәылақәа реиҳабырақәеи рыбжьара аизыҟазаашьақәа рырҕәҕәара ауп зегьы реиҳа ихадоу.

«Алхрақәа рҿы Петер Мадиар анапхгара ззиуа аоппозициатә  аполитикатә партиа «Тиса» аиааира агеит, дара Венгриа апарламентаҿ аконституциатә аиҳарагьы роуит. Уажәтәи аҧыза-министр иполитикатә партиа аҩбатәи аҭыҧ ааннакылеит. 

Қырҭтәыла аиҳабыра рнапхгаҩы ақырҭуа жәлари атәыла аиҳабыреи рыхьӡала, Венгриа апарламенттә алхрақәа рҿы аиааира згаз апартиа адиныҳәалеит. Венгриаҟны аиҩызаратә еизыҟазаашьақәа рыхьчара ҳара ҳзы аҵакы ду амоуп.   Атәыла анапхгара рыҧсахра ҳаизыҟазаашьа бзиақәа рзы анырра аиуам ҳәа ҳгәыҕуеит. Венгриа  ауааҧсыра дара зыгәра рго аполитикатә амч иадгылеит, уи ауп ихадоу,  авенгрцәеи ақырҭуааи ҳтәылақәа реиҳабырақәеи рыбжьара аизыҟазаашьақәа рырҕәҕәара ауп ҳара ҳзызҿлымҳау», — иҳәеит Матикашвили.