«Аҧыза-министр иажәақәа даҽазнык ишьақәырҕәҕәоуп, ҳгәыҧ иалцыз ҧасатәи алахәылацәа Қырҭтәыла арадикализм азҳара иацхраауеит», — иҳәеит апроцедуратә зҵаарақәа рзы апарламенттә комитет ахантәаҩы  Давиҭ Матикашвили.

Матикашвили  «Амилаҭтә ҵысра» алахәыла  Софо Џьаҧариӡе лҳәамҭа дахцәажәеит. Лара ишылҳәаз ала,  «Кобахиӡеи  „Ақырҭуа гәахәтәи“ ҧасатәи рҩызцәа рҟынтә асиурпризқәа рацәаны иазыҧшыроуп».

«Џьаҧариӡе, лыҩныҵҟатәи цәаныррақәа рымшала акәу, даҽак амшала акәу, аха, уезгьы илҳәеит, абри акәын аҧыза-министр дызлацәажәоз. Зегьы цқьа еилыркаароуп: азакәан еилазго, аҧсадгьыл зыҧсахуа, ацәгьаурақәа ҟазҵо ауаа зегьы азакәани аҳәынҭқарреи рҟынтә иџьбароу аҭак роуеит. Ҳара макьана ахьӡқәеи ажәлақәеи ҳҳәом. Араҟа аконкреттә уааҧсыра ракәӡам ҳазлацәажәо, лабҿаба иубарҭоуп ҳгәыҧ иалаҳцаз ауаа арадикализм ишадгыло, аҧара шаларҵо», — иҳәеит  Давиҭ Матикашвили.