Ахада Зурабишвили слықәшаҳаҭуп, алхрақәа мҩаҧгахом, уи ақәҧаратә ашҭоуп, ҳара ақырҭуа жәлар ҳрывагыланы, ари ашҭа ҳҭаларц ҳаӡбеит, – иҩит апартиа  „Лело“ алидерцәа иреиу Бадри Џьаҧариӡе асоциалтә аҳаҽы.

Иара иажәақәа рыла, абоикот иадҳәалоу азҵаараҿгьы Зурабишвили длыдгылоит.

„Абаикот ҳалацәажәозар, ҳара аханатәгьы абри апозициа ҳаман, авторитартә режимқәа раан абоикот алҵшәа ахылҵуам. Сареи сгәыҧи еснагь аидгылара ҳазыразын, иахьагьы аидгылара ҳазыразуп. Сара апротесттә уаажәларра даҽазнык ирзышьақәсырҕәҕәар сҭахуп апротест арҕәҕәара апроцесс аҽалархәра ҳшазыхиоу. Статус-кво. Европарламент изныкымкәа иҳабжьанагеит ҳаидгыларц, ари алшара ҳхы иаҳархәарц. Алхратә лагылазаара иаҳа ицәгьахеит, уи ииашоуп, апроблемақәа рацәоуп, аполитикатә лидерцәа реиҳара абахҭа иҭакуп. „Ақырҭуа гәахәтәы“ статус-кво ахьчара алымшарц азыҳәан, компромиссда ақәҧара наҳагӡароуп!“, – иҩит Бадри Џьаҧариӡе.