Астатиа ишану ала, Қырҭтәыла анапхгара, закәандарала ауаа раанкылареи апротест ахәаҽреи азыҳәан  уажәааны ишьақәдыргылаз  аҧкратә усмҩаҧгатәқәа рхы иадырхәоит, убри аҟынтә, Қырҭтәыла апротест азы азин иаҳа иуадаҩхеит, ишәарҭахеит.

Астатиа инақәыршәаны, 2025 шықәса ҧхынҷкәын 12 рзы  Аизарақәеи адемонстрациақәеи ирызку азакәанахь иалагалаз аҧсахрақәа  рымшала,  аполициа азинмчы ду аиуит  амҩақәеи, ашьапыламҩақәеи, атротуарқәеи рҿы апротестқәа раҧыхреи ауаа ахараҧса ду рықәҵареи азы.

«Ишубарҭоу ала, атәыла анапхгара ари азакәан рхы иадырхәоит  аҭынчратә акритикатә гәаанагарақәа рхәаҽразы. Абарҭ ашьаҿақәа ауаажәларратә аиҿкаара рыхьчом, ҽакала ахәыцра азин   ахәаҽра ауп изызку», — иҳәеит аиҿкаара  Human Rights Watch аҿы Европеи Ацентртә Азиеи рзы адиректор ихаҭыҧуаҩ.