Атәыла ахада ладминистрациаҿы ишырҳәаз ала,  Алхратә комиссиа хада иазку азакәанпроект рыдыркылар, атәыла ахада уи вето ақәылҵоит

Аҳәамҭа ишану ала,  партиак мацарала  амаҵзура ҭыҧ аҭара  аҳәынҭқаррареи европатәи аҧеиҧш иаҧырхагоуп.

«Анапхгаратә аиҳара ахынтәраан азакәанқәа рыҧсахуеит,  избанзар,  атәыла ахада аконкреттә маҵзураҭыҧқәа рзы  дара ирҭаху акандидатцәа иқәлыргылом.  Урҭ иреиуп: ацҳаражәҳәаҩцәа,  Амилаҭтә банк ахеилак алахәылацәа,  Алхратә комиссиа хада анапхгаҩи алахәылацәеи. Абарҭ афактқәа рыхҧагьы раан атәыла ахада,  лхатә интересқәа ракәымкәа,  аҳәынҭқарратә интересқәа роуп напхгагас илымоу.  Акандидатцәа ралхраан атәыла ахада лзы ахадаратә ҵакы амоуп дара рхьыҧшымра аҩаӡара. Атәыла ахада дара рквалификациа гәҩарас илымам,  аха,  лгәы ишаанаго ала,  абри аҩыза амаҵзураҭыҧқәа рзы партиак мацарала ауаа рықәыргылара аҳәынҭқаррареи атәыла европатәи аҧеиҧши иаҧырхагоуп. Убри аҟынтә,  атәыла ахада ари азакәан вето ақәылҵоит», —  иануп атәыла ахада ладминистрациа аҳәамҭаҿы.

 «Алхратә закәанеидкылеи» арегламенти ирылагалоу аҧсахрақәа инрықәыршәаны,  атәыла ахада лҵынхәрас,  уажәшьҭа апарламент ахантәаҩы иоуп Алхратә комиссиа хада ахантәаҩи алахәылацәеи рҭыҧқәа рзы акандидатцәа алхны апарламент иадазгало.