Ацентртә алхратә комиссиа заанаҵтәи адыррақәа рыла, Баҭыми, Русҭавии, Гардабании «Ақырҭуа гәахәтәы» акандидатцәа аиааира ргеит

13:59, 03.04.2022

Ацентртә алхратә комиссиа ахантәаҩы Гьаргь Каландаришвили абжьаратә алхрақәа заанаҵтәи алҵшәақәа цәыригеит.

Каландаришвили иҳамҭала, Баҭыми, Руставии, Гардабании алхырҭақәа зегьы рылҵшәақәа иҧхьаӡоуп.

«Алхрақәа заанаҵтәи алҵшәақәа шәыдазгалар сҭахуп — Баҭым алхырҭақәа рызынтәгьы рылҵшәақәа иҧхьаӡоуп.

№5 Маҭе Ҧутараӡе «Иаку амилаҭтә ҵысра» — 30,98%;

№41 Рамаз Џьинҷараӡе «Ақырҭуа гәахәтәы — Адемократиатә Қырҭтәыла» —— 69,01%.

Руставии Гардабании 121 алхырҭақәа рылҵшәақәа абас иҟоуп:

№34 Мамука Тускаӡе «Мамука Тускаӡе – Асоциалтә аиашаразы» – 6,95%;

№41 Иракли Шатакишвили «Ақырҭуа гәахәтәы — Адемократиатә Қырҭтәыла» — 90,61%;

№59 Камал Мурадханов «Акзаареи аҿиареи рзы ақырҭуа партиа» — 2,43%», — иҳәеит Гьаргь Каландаришвили.